Freidenker

Freidänker isch e Bezäichnig für Lüt, wo für e sälbständigi und sälbstverantwortligi Lääbensgstaltig im Sinn vo dr Ufkläärig iidräte und jede religiöse Glaube, Gottesglaube und chirchligi Dogme ableene, oder allgemäiner, sich as Atheiste, Agnostiker, Skeptiker und säkulari Humaniste verstöön.

Im ängere Sinn mäint „Freidänker“ Mensche, wo sich in dr Freidänkerbeweegig angaschiere, z. B. as Mitgliid im Freidänkerverband.